咖啡古與今 the history of coffee

Hario Cold Brew 咖啡壺一向都係我哋網店嘅大熱貨品。呢一篇我地集中講下咖啡嘅過去、現在與未來。網主本身比較多飲cold brew，不過睇多啲其實咖啡過去嘅故事其實都好有趣架。

咖啡嘅起源

咖啡嘅來源可以追溯到去十七世紀，本身由埃塞俄比亞起源，但其實喺歐洲發揚光大。1652年英國第一間咖啡屋coffeehouse於牛津誕生，由一名叫Pasqua Rosee嘅希臘人創立。跟著就有唔同嘅咖啡屋相繼「開張」。

Penny University

以前飲咖啡，唔係好似宜家咁為左打卡。好多素未謀面嘅人，會喺咖啡屋打交道，交流唔同界別嘅知識，所以當時嘅咖啡屋又叫做Penny University，俾一個便士嘅價錢，做就一個另類學習嘅地方。即使比起宜家嘅coworking space都可能更加有趣。(By the way, 喺澳洲真係有一間叫做Penny University嘅咖啡屋。)

Fast-forward去到宜家，世界各地都有好多咖啡室：美國嘅Blue Bottle、Starbucks、什至香港有好多獨當一面嘅cafe例如Accro，有好多俾我地品嘗咖啡嘅地方。而一間咖啡室最重要嘅當然係Barista，單係欣賞佢地嘅技術已經係賞心樂事。而今時今日，大家都會想整自己嘅咖啡，tororo嘅目的係作為一個enabler，令大家可以自我發展興趣。喺屋企可以製作自己嘅cold brew，畢竟比百零蚊買一個壺，好過不停咁出街飲，呢個對自己嘅投資絕對合理。

咖啡可以無止境咁飲嗎？

而家個個都鍾意飲咖啡，又會自己去整。大家有無諗過呢啲天然採集嘅素材都會有耗盡嘅一日。呢一個由VOX製作嘅documentary，可以引起大家關注對咖啡豆嘅未來嘅關注。值得愛咖啡同愛地球嘅你抽少少時間去睇。

https://www.youtube.com/watch?v=6IN4ZcZAUbA

冷泡咖啡壺小貼士：外型精美咖啡壺，放喺屋企同帶出街同樣合適。不過因為係玻璃，所以你出街嘅時候一定要小心。有唔少朋友(包括我在內)已經試過打爛左個咖啡壺。十分可惜。

如果你仲未買嘅話，立即用呢個優惠碼<<tororoWelcome>>落單啦！有9折優惠架！