Everything about Cold Brew Coffee

冷泡咖啡Cold Brew Coffee製作容易，但其實有好多唔同嘅科學同埋小知識。呢篇文章希望記錄所有我哋對冷泡咖啡嘅認知。希望都幫到大家啦！

首先，點解要飲Cold Brew？有無試過飲熱咖啡，會發現味道會隨住時間變得唔同？冷泡法相對較穩定，化學降解變化較少，所以味道都相對較平穩呢！

用冷泡壺Cold Brew小貼士：記得要將裝好咖啡粉嘅過濾器先放入樽再加水，以「滴濾式」先萃取，再作浸泡。如果先加水，再將濾器浸入水中，咁效果就會同茶包一樣。少少步驟，已經有好唔同嘅分別！

初次用Hario冷泡壺時，發現比沖熱咖啡要嘅投資更多，要落更多咖啡粉。除左係因為個壺比較大之外，我地嘅味覺對於凍嘅食物會比較遲鈍，所以要更重味先會容易感受到。材料用多左，冷萃咖啡價錢亦會再貴啲。