#安藤忠雄的作品

tororodept
Mar 19, 2019
2 min read

Updated: Oct 28, 2019

呢位日本建築大師，相信大家都唔陌生。

佢擅長運用清水混凝土作為主要建材，並以光、風、水等自然元素融入四周環境，營造充滿禪意嘅空間氛圍。今次簡單介紹其中幾個名作：

• 作品1 - 東京六本木：21_21 Design Sight 靈感來自三宅一生結合環保與衣著嘅「A Piece Of Cloth」設計概念，以「建築即地景」概念打造涵蓋地上與地下樓層的「摺紙」（origami）式外觀，光與風喺空間「縫隙」中穿梭無礙。

• 作品2 - 大阪：光之教堂挑高嘅室內空間，沒有華麗花窗玻璃裝飾，沒有任何神像雕塑，教堂內部唯一只有十字架裝飾，以自然光所構成嘅「光的十字架」。

• 作品3 - 北海道札幌：真駒內滝野靈園靈園外觀設計係一個如防空洞地形，從外面看僅有半個佛頭露出地面，只有進入內部，先見到大佛嘅全貌。進入佛像洞窟前，安排左一個方形設計嘅水庭，通過水庭就可以進入大佛入口，但並不是直線的，好似儀式般需要從兩側前進，呢段多出來嘅路途，反而令人可以沉澱，讓心靈獲得洗滌。

• 作品4 - 大阪住吉區：長屋大阪住吉區有一間唔顯眼嘅14坪小房子，在彎曲窄小巷入面，一唔小心就會錯過，住吉嘅長屋係安藤忠雄成名之作。「長屋」係關西地區獨有嘅建築模式，因為空間有限，所以房子比較狹長。在街道上高聳嘅清水混凝土牆上只有一個黑不見底嘅狹長門口，把所有光線同整個世界隔離在外。睇落好封閉嘅長屋，居然將屋內中央屋頂打開，狹小嘅空間中規劃出一個中庭，讓陽光、風、甚至雨水進入屋內，成為與外界嘅交界口。簡約風格再加上同大自然嘅融合，就係安藤創作最原本嘅style。