Marie Kondo Your Instagram

Does it spark joy? 🙋🏻‍♀️唔知大家有無睇過Netflix關於Marie Kondo嘅紀錄片呢？近藤麻理恵係出名嘅收納達人。佢其中一個斷捨離宗旨，就係問’Does it spark joy?’其實碌IG都係一樣，不停unconscious scroll，多餘嘅motivational page，KOLs等等，真的有意義？以下有幾個建議，等大家都可以做下IG大掃除啦。

第一，先諗下平時係咩情況會用IG，同埋有邊一啲嘅內容係真係你有心機去睇或者會對你有得着。

繼而，清理多餘嘅Accounts。例如如果你有幾個唔同嘅motivational pages，或者無數個𡃁模pages，有冇需要全部都follow呢？同類嘅內容越多，Instagram會推介俾你嘅資訊就會更狹窄。

第三，到底自己咩情緒咩時候會開IG亂碌呢？唔開心嘅時候？臨訓？重要係要清楚自己動機，減少unconscious scrolling。

第四，你可能會用你嘅IG平台你儲起好多唔同嘅相，例如係工作上嘅靈感。建議大家一定要分類，甚至乎可以用一啲有趣嘅方法，改一啲比較有創意嘅名字分類。例如所有關於科技資訊嘅就放進叫’Steve Jobs’嘅collection，搞笑嘅就改你個朋友個名等等，連分類都變成一個樂事！

最後最後，當然係控制自己用IG嘅時間，iPhone有功能可以記錄甚至設限用時，要好好利用！

當你清理完之後，我地會介紹一啲值得保留同關注嘅ig page，密切留意。